Si mund të kthehet teknologjia në një mjet që promovon Divjakën dhe pasuritë e saj? Kjo ishte në qendër të diskutimit mes të rinjve dhe përfaqësuesve të institucioneve, të cilët ndanë ide dhe sugjerime konkrete mbi zhvillimin dhe përdorimin e aplikacionit “Divjaka Jonë”.

Diskutimi u fokusua në mënyrën se si aplikacioni mund të ofrojë informacion të aksesueshëm dhe të dobishëm për turistët, vizitorët dhe komunitetin lokal, duke promovuar atraksionet natyrore dhe kulturore, destinacionet turistike, traditat dhe pikat e veçanta të interesit në territorin e Divjakës. Të rinjtë sollën perspektivën dhe idetë e tyre mbi përmbajtjen dhe mënyrat e promovimit të aplikacionit, ndërsa përfaqësuesit e institucioneve ndanë eksperiencën dhe rekomandimet e tyre për informacionet që mund të jenë më të vlefshme për vizitorët dhe për promovimin e qëndrueshëm të zonës.

🤝 Ky aktivitet realizohet si pjesë e Programit Rajonal për Demokracinë Vendore në Ballkanin Perëndimor 3 – ReLOaD3. Programi Rajonal për Demokracinë Vendore në Ballkanin Perëndimor 3 – ReLOaD3, financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP).