Projekti "Fuqizimi Rinor dhe Promovimi i Trashëgimisë Kulturore në Divjakë – Divjaka Jonë!", është një projekt që po zbatohet nga IRCA, me mbështetjen e Bashkisë Divjakë. Projekti ka nisur me energjinë dhe entuziazmin e të rinjve, të cilët po angazhohen si agjentë ndryshimi në komunitetin e tyre. Në bashkëpunim me Zyrën Vendore Arsimore, rreth 23 të rinj, nxënës nga shkollat “Mihal Nako”, “Koli Sako”, “Miti Zoi Zaka”, “Çermë-Shkumbin” dhe “Çermë-Sektor”, morën pjesë në trajnimin e parë, duke krijuar zyrtarisht Klubin e Ambasadorëve Rinorë të Kulturës dhe Turizmit, me qëllim promovimin e vlerave kulturore dhe turistike të Bashkisë Divjakë.

🤝 Ky aktivitet realizohet si pjesë e Programit Rajonal për Demokracinë Vendore në Ballkanin Perëndimor 3 – ReLOaD3. Programi Rajonal për Demokracinë Vendore në Ballkanin Perëndimor 3 – ReLOaD3, financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP).